სიახლეები

იმისათვის, რომ ფრესკოს 5% ფასდაკლების ბარათი უფრო მრავალფუნქციური გამხდარიყო ჩამოყალიბდა „ფრესკოს პარტნიორთა კლუბი“ რაც გულისხმობს, რომ ქვემოთ ჩამოთვლილ კომპანიებში ფრესკოს 5%-იანი ფასდაკლების ბარათის მფლობელები,[more] ბარათის წარდგენისას მიიღებენ ფასადაკლებებს:      წიგნის მაღაზია „დიოგენე“ – 10%  ირინა ბიბილაურის ესთეტიურ დიაგნოსტიკური კლინიკა - 20%  სათამაშოების მაღაზია „ბანანა ბუმი“ – 5%  სათამაშოების მაღაზია „ორენჯ ელეფანტი“. სანდრო ეულის ქ.2 და გორგასლის ქ. 61 – 5%  სპორტულ გამაჯანსაღებელი ცენტრი „სისაიდი“ – 10%  ესთეტიკური მედიცინის ცენტრი „ლაბელ მედიქალი“ - 5-50%  ყვავილების მაღაზია „flowers.ge “ – 5%   სადღესასწაულო ცენტრი - „დეჟა ვუ“ – 5%   ვიდეო-ფოტო მომსახურება -„MGI Studio” – 15%  ოპტიკური სალონების ქსელი „საფილო“ – 5%   საიუველირო მაღაზიათა ქსელი „ლაზეტ სილვერი“ – 5%  ელექტრო აქსესუარები „ახალი მთვარე“ – 5%  სპა ცენტრი „პრემიერ სპა დელუქსი“ – 5%  პარფიუმერიის მაღაზიათა ქსელი „ქალთა ბედნიერება" - 5%  სანადირო მაღაზიათა ქსელი „კალიბრი“ – 5%   სოლარიუმი „პოდიუმი“ ქავთარაძის ქ. N1 – 5%   ტექნიკის მაღაზია "არაი თუმოროუ" – 5%   განათების საშუალებები "ბრენდ ერი" – 5%  იოგას ცენტრი "იოგა ანანდა თბილისი" – 5 %  ქალთა ფიტნეს კლუბი "კონტური" – 5%  სასტუმროების ქსელი "რჩეული" – 5%  სათამაშოების მაღაზიათა ქსელი "პეპელა" - 5%   ფეხსაცმლის მაღაზიათა ქსელი "Skyler New York" - 20%   სტომატოლოგიურ კლინიკათა ქსელი "New Dent" - 20%  თმის გადანერგვის კლინიკა "ჰეალაინ ინტერნეიშნლ" - 5%  კანისა და ვენსნეულებათა ს/კ ეროვნული ცენტრი - 5% „ფრესკოს პარტნიორთა კლუბის“ წევრი კომპანიების რიცხვი აუცილებლად გაიზრდება, რათა ჩვენმა ერთგულმა მომხმარებლებმა კიდევ ბევრ სხვადასხვა კომპანიაში შეძლონ ფასდაკლების მიღება ფრესკოს 5%-იანი ფასდაკლების ბარათის გამოყენებით.    

სუპერმარკეტების ქსელი „ფრესკო“ 2012 წლიდან მომხმარებლებს ყველაზე დაბალ ფასებს, მაღალი ხარისხის მომსახურებას, სისუფთავეს, მუდმივად ახალ პროდუქციას და კომფორტულ გარემოს სთავაზობს.[more]მიუხედავად  ქვეყანაში არსებული რთული ეკონომიკური  სიტუაციისა და ეროვნული ვალუტის მნიშვნელოვანი გაუფასურებისა, კომპანია „ფრესკო“ აგრძელებს სოციალურად ორიენტირებულ პოლიტიკას და ახერხებს შეინარჩუნოს ქსელში არსებული დაბალი ფასები, ამასთანავე მუდმივად სთავაზობს მომხმარებლებს 5%-იანი ფასდაკლების ბარათით სარგებლობის საშუალებას.საცალო ბიზნესში არსებული სხვა კომპანიები მომხმარებლების მოზიდვას  დროებითი აქციებით ცდილობენ, ჩვენი მიზანია გვყავდეს მუდმივად კმაყოფილი, ერთგული მომხმარებელი, რომელიც სამომხმარებლო კალათის შესავსებად არ განიხილავს სხვა ალტერნატიულ ვარიანტს, რადგანაც დარწმუნებულია, რომ ფრესკოში პირველადი მოხმარების პროდუქტებს შეიძენს ყოველთვის ყველაზე დაბალ ფასად. სწორედ ამ მიზნით, 2015 წლის 23 თებერვლიდან ფრესკო იწყებს უპრეცენდენტო მუდმივ აქციას!23 თებერვლის დილის 10:00 საათიდან „ფრესკოს“ ქსელში არსებულ ყველა სუპერმარკეტში მოსახლეობისთვის ყველაზე საჭირო 10 პრინციპულ პროდუქტზე (შაქარი, ზეთი, კარაქი, მაწონი, რძე, კვერცხი, ქათამი, მაკარონი, სარეცხი ფხვნილი, საპონი) ნებისმიერ მომენტში იქნება ყველაზე დაბალი ფასი ვიდრე სადმე სხვაგან საქართველოს ტერიტორიაზე!ფრესკოს მანეჯმენტი იაზრებს, თუ რა ქმედებები შეიძლება მოჰყვეს ამ განაცხადს კონკურენტების მხრიდან, მაგრამ სრული პასუხისმგებლობით აცხადებს, რომ ყოველთვის დარჩება არა ფასადურად მიმზიდველი, არამედ პრინციპულად მომხმარებელზე ორიენტირებული პოლიტიკის ერთგული.   

თბილისი (BPI) - მოსწონს გამოთქმა, – „ადვილია იყო დაკავებული, მაგრამ ძნელია იყო პროდუქტიული“. როდესაც საყვარელ საქმეს აკეთებს, ვერ გრძნობს იმ სირთულეებს, რომელიც ნებისმიერი ბიზნესის თანმდევია.[more] ჩვენი სტუმარია „ფრესკო ჯგუფის“ გენერალური დირექტორი ნინო აბსანძე, რომელიც „ფრესკოს“ 2012 წლიდან ხელმძღვანელობს.თუ კითხავთ, რამდენად რთულია ქალბატონისთვის ბიზნესში წარმატების მიღწევა, გიპასუხებთ: – ზოგადად წარმატების მიღწევა არ არის ადვილი. ბიზნესის კეთებისას არასოდეს გამიკეთებია აქცენტი იმაზე, რომ რადგან ქალი ვარ ეს რამეში ხელს შემიშლიდა. ცხოვრების ყველა ეტაპზე მქონდა მიზანი და  ამ მიზნისკენ მივდიოდი.  ვფიქრობ, რომ  ხშირად თავად ქალები უწყობენ ხელს მათ მიმართ გარკვეული სტერეოტიპების ჩამოყალიბებას. – არის თუ არა გარკვეული  შეზღუდვა "საქმიანი ქალბატონის" სტატუსის ტარება? – საქმიანი ქალის სტატუსი შესაძლებლობებთან ერთად შეზღუდვებსაც იწვევს. როდესაც წარმოადგენ დიდ კომპანიას, როდესაც ბევრისთვის მაგალითი უნდა იყო,  როდესაც შენი ესა თუ ის გადაწყვეტილება შესაძლოა ბევრ ადამიანზე და საქმეზე აისახოს, ეს დიდი პასუხისმგებლობაა და ამ სიტუაციაში საკუთარ თავს შეზღუდვებს თავადვე უწესებ. ეს შეზღუდვები უკვე ყოველდღიურობის ბუნებრივი ნაწილია და სხვაგვარად შეუძლებელიცაა. – "ფრესკოში" თქვენი მოხვედრის ისტორია და წარმატებები კომპანიაში, რას საქმიანობდით მანამდე და როგორ მოხვედით დღემდე? – „ფრესკოში“ მოსვლამდე მქონდა საკმაოდ მსხვილ კომპანიებში მუშაობის გამოცდილება.  2011 წელს კი დავინიშნე ყველაზე დიდ თანამდებობაზე, რომელიც შეიძლება ჰქონდეს ქალს, გავხდი დედა და რამდენიმე თვის შემდეგ, მივიღე შემოთავაზება გავმხდარიყავი „ფრესკო ჯგუფის“ გენერალური დირექტორი, რომელიც ახალი შემოსული იყო რითეილ ბაზარზე, ფლობდა მხოლოდ ერთ სუპერმარკეტს დიდი პოტენციალით და განვითარების სერიოზული გეგმებით.ჩემთვის ეს საინტერესო გამოწვევა იყო და დღემდე, უკვე 3 წელია, ვხელმძღვანელობ კომპანიას, რომელიც მუდმივად განვითარების პროცესშია. – როგორია თქვენი გეგმები მომავლისთვის?– დღეს ჯგუფი, რომელსაც ვხელმძღვანელობ მუშაობს ორი მიმართულებით: ესენია - სუპერმარკეტების ქსელი „ფრესკო“, რომელიც უკვე 6 მსხვილ სუპერმარკეტს ფლობს თბილისის სხვადასხვა უბანში და 1000–ზე მეტი ადამიანია დასაქმებული, მეორე კი, დეველოპერულ კომპანია, რომელმაც სოლოლაკში, ამაღლების ქ# 47-ში რეზიდენციის ტიპის პირველი საცხოვრებელი სახლი HILLSIDE RESIDENCE ააშენა.ვაპირებთ გავაფართოვოთ „ფრესკოს“ ქსელი და 2015 წლის ბოლოს მინიმუმ ორი ახალი სუპერმარკეტი გავხსნათ თბილისში. გვექნება მნიშვნელოვანი სიახლეები დეველოპმენტის მიმართულებითაც. – რას ურჩევდით ქალბატონებს, რომლებმაც ახლა დაიწყეს ბიზნესის სფეროშისაქმიანობა, ან მათ აქვთ მიზანი მიაღწიონ წარმატებებს ბიზნესსა თუ მაღალ თანამდებობებზე.– დაისახეთ კონკრეტული მიზანი, იყავით თავდაჯერებული, მაგრამ ყოველთვის უსმინეთ გამოცდილ ადამიანებს და იშრომეთ ბევრი. ვფიქრობ, ცხოვრებაში იღბალიც თამაშობს გარკვეულ როლს, მაგრამ ჩვენს ცხოვრებას უპირველესად მაინც ჩვენ ვგეგმავთ და განვკარგავთ, ამიტომ შრომა და სურვილი არის ის ყველაზე მნიშვნელოვანი ფაქტორი, რაც აუცილებლად მიგვიყვანს დასახულ მიზნამდე. – თქვენ აღნიშნეთ, რომ ყველაზე დიდი თანამდებობა თქვენთვის დედობაა. რა ადგილი უჭირავს ოჯახს თქვენს ცხოვრებაში, რამდენად რთულია ოჯახისა დასაქმიქნობის შეთავსება?– მყავს მეუღლე და 3 წლის ტყუპები, ლილე და გიორგი. მიუხედავად დატვირთული სამუშაო გრაფიკისა, საქმესა და პირად ცხოვრებას შორის ბალანსის შენარჩუნებას ყოველთვის ვახერხებ. თავისუფალ დროს ვუთმობ ოჯახს და მეგობრებს, სწორედ მათგან მიღებული დადებითი ემოციები მაძლევს საშუალებას ყოველი ახალი დღე მეტი შემართებით დავიწყო.       

ნათქვამია -"საქმემან შენმან გამოგაჩინოსო“, სწორედ ამიტომ 2012 წლიდან, მას შემდეგ, რაც კომპანია „ფრესკო“ გამოჩნდა ქართულ რითეილ ბაზარზე, მე არ მიმიცია არც ერთი ინტერვიუ და არ გამიკეთებია არც ერთი საჯარო განცხადება.[more] „ფრესკო“- მ ბაზარზე გამოჩენისთანავე მიიქცია მომხმარებლის და კონკურენტების ყურადღება, რამდენადაც ერთადერთი კომპანიაა ქვეყანაში, რომელიც საკუთარ მიწაზე, საკუთარი ინვესტიციითა და ძალებით ნაშენებსაკუთარ სუპერმარკეტებში, თავადვე აწარმოებს ბიზნესის ოპერირებას. 24 საათი დღე-ღამეში, კვირაში 7 დღე „ფრესკოს“ 1000 (ათასი) კაციანი გუნდი მუდამ მომხმარებლის სამსახურშია. მაღალი ხარისხი, სისუფთავე, მუდმივად ახალი პროდუქცია, სურსათის უვნებლობის სტანდარტების 100 % იანი დაცვა, დაბალი ფასები, გადასახადების და მომწოდებლების კუთვნილი თანხების დროულად გადახდა, ყოველთვის გამოარჩევს „ფრესკოს“ გუნდს; გუნდს თავისუფალს, ყოველგვარი ნეპოტიზმისაგან, კლანური და პოლიტიკური წნეხისგან; გუნდსრომელსაც მართავს ჩემს მიერ სათითაოდ და რუდუნებით შერჩეული ტოპ-მენეჯერების ჯგუფი, რომლებითაც არამარტო მე, არამედ ნებისმიერი დამფუძნებელი იამაყებდა მსოფლიოს ნებისმიერ ქვეყანაში. მიუხედავად მიღწეული წარმატებისა „ფრესკოს“ მენეჯმენტს და თანამშრომლებს კიდევ ბევრი აქვთ გასაკეთებელი მომხმარებლის, ქვეყნისა და ნებისმიერი „ფრესკოელის“ საკეთილდღეოდ. სამწუხაროდ, ქვეყანაში გავრცელებული შური, ეკონომიკის და ბიზნესის მიმართ აგდებული დამოკიდებულება, უსინდისო და უსირცხვილო კონკურენცია, თავისუფალი პრესის ზოგიერთი წარმომადგენლის ცინიზმი პირადად შემეხო მე და ჩვენს კომპანიას. სანამ პირადად მე მეხებოდნენ არავითარი რეაგირება არ მქონდა, რამდენადაც „ძაღლი ყეფს და ქარავანი თავის გზით მიდის“. ეს არ იყო პირველი და ალბათ არც უკანასკნელი ჩემს ბიზნეს ცხოვრებაში მაგრამ, მას შემდეგ რაც წელიწად-ნახევრის წინ, ყვითელი პრესის ერთ-ერთი გამოცემა თავისი საგაზეთო პუბლიკაციით ბინძურად შეეხო „ფრესკოს“ გუნდს დარეგულარულად ურტყამდა გარკვეული ხალხის დაკვეთით, ჩვენ, სამართლებრივ სივრცეში მცხოვრები ბიზნეს სტრუქტურა, სასამართლოს გზით შევეცადეთ სიმართლის აღდგენას და მივაღწიეთ კიდეც, მაგრამ სამწუხაროდ სასამართლოს განაჩენი დღემდე აღსრულებული არ არის და გამოცემას ჯერაც არ მოუხდიაბოდიში არასწორი ინფორმაციის გავრცელებისათვის, ხოლო პროკურატურა, რომელსაც სისხლის სამართლის საქმის აღძვრისათვის მივმართეთ, სამწუხაროდ დუმს. „ფრესკოს“ მიერ სასამართლოში შეტანილი კიდევ რამოდენიმე საქმე ელის თავის დროს და განაჩენს. ბოლო წვეთი, რომელმაც აავსო ჩვენი მოთმინების ფიალა იყო ის აბსოლუტურად უხამსი კომენტარი სატელევიზიო ეთერში, როდესაც ერთ-ერთი წამყვანი ტელევიზიის ჟურნალისტმა დილის ეთერში თავს ნება მისცა პრესის მიმოხილვის დროს, სუბიექტურად გადამეტებული უარყოფითი შეფასებამიეცა პრესაში დაბეჭდილ, გადაუმოწმებელ ფაქტზე. ეს ხდება მაშინ როდესაც გადაცემა ფინანსდება ჩვენი კონკურენტების მიერ და ჟურნალისტი რომელიც კონკურენტის ერთ-ერთ სავაჭრო ობიექტში იმყოფება მიმოხილულ ინფორმაციას ამატებს, რომ ამ კონკურენტის ქსელში მსგავსი შემთხვევა გამორიცხულია. ყოველივე ზემოთ თქმულიდან გამომდინარე მე, ბიზნესმენი ვასილ სოფრომაძე და კომპანია „ფრესკო“ ვღებულობთ გამოწვევას და ვაცხადებთ შემდეგს:1. დაწყებული 2015 წლის 23 თებერვლის დილის 10:00 საათიდან „ფრესკოს“ ქსელში არსებულ ყველა სუპერმარკეტში მოსახლეობისთვის ყველაზე საჭირო 10 (ათ) პრინციპულ პროდუქტზე ნებისმიერ მომეტში იქნება ყველაზე დაბალი ფასი ვიდრე სადმე, საქართველოს ტერიტორიაზე. გარდა ამისა, ფრესკოს 5% ფასადკლების ბარათის გამოყენებით ქსელში მუდმივად ისედაც ყველაზე დაბალი ფასებია ქვეყნის მასშტაბით.2. კონკურენტი ქსელის სუპერმარკეტის გვერდით ჩვენ შევიძენთ მიწის ნაკვეთს და ავაშენებთ ფრესკოს სუპერმარკეტს, რადგან ნათლად დავანახოთ მომხმარებელს განსხვავება „ფრესკოსა“ და კონკურენტ სუპერმარკეტს შორის და რაც მთავარია სიტყვას ვიძლევით, ჩვენ ამ გეგმას განვახორციელებთ მიმდინარე წლის ბოლომდე.3. ყველას ვისაც არ ესმის ჯანსაღი კონკურენცია და შეეცდება ბინძური გზებით და ქმედებებით შეეხოს „ფრესკოს“ გაფრთხილებთ:თავი შეიკავეთ ამ დაუფიქრებელი ნაბიჯისაგან, რამდენადაც ბოლომდე გამოგყვებით სამართლებრივ სივრცეში და ჩვენი ბიზნეს გადაწყვეტილებებით და რესურსებით შევძლებთ ინანოთ თქვენი დაუფიქრებელი საქციელი.ვასილ სოფრომაძე  16.02.2015  

„ფრესკოს საქველმოქმედო ფონდი“ კვლავ აგრძელებს აქტიურ ქველმოქმედებას „ფრესკოს“ მომხმარებლების მონაწილეობით. [more]იანვრის თვეში მომხმარებლებისგან შემოსული თანხით ფონდის წარმომადგენლებმა სოციალურად დაუცველ მოსახლეობას კათარზისში უფასო სადილით უმასპინძლეს. თითოეული კათარზისის წევრი ხანდაზმულის სახელით გვინდა მადლობა გადაგიხადოთ იმ კეთილი საქმეებისთვის, რასაც თქვენ, ჩვენი მომხმარებლები ჩვენს სუპერმარკეტებში სტუმრობით ეწევით.     

მადლობა გვინდა გადავუხადოთ ჩვენს ათასობით მომხმარებელს ერთგულებისთვის, რაც „ფრესკო“-ს კიდევ ერთხელ აძლევს საშუალებას უფრო მყარად ატარებდეს სოციალურად ორიენტირებული კომპანიის პოლიტიკას[more]  და ყოველთვის გთავაზობდეთ ყველაზე დაბალ ფასებს სწორედ იმ პროდუქტზე რაზეც იხარჯება თქვენი ოჯახის ბიუჯეტის დიდი ნაწილი.ლარის კურსის მნიშვნელოვანი გაუფასურების ფონზე კომპანია „ფრესკო“ ახერხებს შეინარჩუნოს ქსელში არსებული დაბალი ფასები და ამავე დროს მხარში უდგას საქართველოს მთავრობას და არ ითხოვს ბიუჯეტიდან მის კუთვნილ მილიონობით ლარ დამატებული ღირებულების გადასახადს (დღგ ) რათა არ მოხდეს სოციალური პროექტებისთვის გამოყოფილი თანხების შეფერხება, ამ ისედაც რთულ პერიოდში.     

ქართულ რითეილ ბაზარზე დღეს მრავალი კომპანია ოპერირებს და კონკურენციაც საკმაოდ მაღალია. [more]  მათგან ერთ-ერთი კომპანია "ფრესკოა", რომელიც სხვა კომპანიებთან შედარებით ახალია, მაგრამ ამის მიუხედავადაც უკვე საკმაოდ კარგად მოახერხა ბაზარზე თავის დამკვიდრება. თუ როგორ შეძლო ბაზარზე პოზიციონირება და რას სთავაზობს მომხმარებელს ფრესკო~, ამის შესახებ კომპანიის მარკეტინგისა და საზოგადოებასთან ურთიერთობის დეპარტამენტის ხელმძღვანელი სალომე სიხარულიძე გვესაუბრა.- რამდენი ხანია რაც ქართულ ბაზარზე შემოხვედით, რამდენ ფილიალს აერთიანებთ და გეგმავთ თუ არა უახლოეს მომავალში ქსელის კიდევ გაფართოებას?- სუპერმარკეტების ქსელი "ფრესკო" ქართულ ბაზარზე 2012 წლიდან შემოვიდა. პირველი სუპერმარკეტი ვარკეთილში გავხსენით, შემდეგ ნელ-ნელა ქსელი თბილისის მასშტაბით გავაფართოვეთ. ამჟამად "ფრესკოს" ქსელი აერთიანებს ექვს მსხვილ სუპერმარკეტს და წარმოდგენილია თბილისის სხვადასხვა უბნებში: ვარკეთილში, მუსხიანში, ორთაჭალაში, საბურთალოზე, ჩუღურეთსა და სანზონაში. კომპანია "ფრესკო" აგრძელებს გაფართოებას და 2015 წელს გეგმავს 2 ახალი სუპერმარკეტის გახსნას ისანსა და დიღმის რაიონში. - "ფრესკო" ქართული კაპიტალია თუ გყავთ უცხოელი პარტნიორებიც?- "ფრეკო" ეს არის უცხოური ძლიერი ფინანსური ჯგუფის ქართული ნაწილი, რომლის ისტორიაც გასული საუკუნის 80-იანი წლებიდან იწყება და რომლის სათავეშიც დგას ეროვნებით ქართველი ინვესტორი."ფრესკო" ორიენტირებულია იმაზე, რომ საქართველოში შექმენას წარმატებული და კომფორტული ბიზნესგარემო როგორც მომხმარებლებისთვის, ასევე ჩვენთან დასაქამებული ასეულობით ადამიანისთვის. "ფრესკო" ეს არის კომპანია, რომელიც არა მხოლოდ რითეილ ბიზნესს, არამედ სამშენებლო ბიზნესსაც ავითარებს. მოგეხსენებათ, რომ ყველა ჩვენი სუპერმარკეტი არის ჩვენივე სახსრებით აშენებული. ჩვენ ჯერ მიწას ვიძენთ, შემდეგ კი თავად ვახდენთ სუპერმარკეტების მშენებლობას, რაც თავიდან, ბუნებრივია, საკმაოდ დიდ ინვესტიციებს მოითხოვს, თუმცა შემდეგ გვანთავისუფლებს ყოველთვიური საიჯარო ხარჯებისგან, რაც გრძელვადიან პერსპექტივაში საკმაოდ მომგებიანია. - მოგეხსენებათ, მსგავსი სუპერმარკეტების ქსელები მრავლადაა და ამ ბაზარზე კონკურენციაც საკმაოდ მაღალია, როგორ აპირებთ კონკურენციის გაწევას სხვა უფრო ძველი და გამოცდილი მოთამაშეებისთვის?- მიუხედავად იმისა, რომ "ფრესკო" სულ რაღაც 3 წელია რაც წარმოდგენილია რითეილ ბაზარზე, ჩვენ შევძელით, რომ ძველი და გამოცდილი ქსელებისთვის გაგვეწია სერიოზული კონკურენცია. დღეისთვის მათ საერთოდ აღარ განვიხილავთ, როგორც ჩვენზე ძლიერ კონკურენტებს. ჯანსაღი კონკურენცია კი, საბოლოო ჯამში, მომხმარებელს უქმნის შესაძლებლობას მიიღოს საუკეთესო. ჩვენი მიზანი თავიდანვე იყო და იქნება ვიყოთ ის კომპანია, რომელიც ორიენტირებულია მომხმარებელზე და ამისთვის მათ ვთავაზობთ: ყველაზე დაბალ ფასებს იმ პროდუქტებზე, რაზეც იხარჯება მათი ოჯახის ბიუჯეტის ყველაზე დიდი ნაწილი, კომფორტულ გარემოს, მაღალი ხარისხის მომსახურებას, პროდუქციის ფართო არჩევანს, რომელიც მოიცავს როგორც ადგილობრივ, ასევე ჩვენივე იმპორტირებულ პროდუქციას ევროპის სხვადასხვა ქვეყნებიდან. "ფრესკო"  ქმნის გარემოს, რომელიც მორგებულია და მისაღებია ყველა ტიპის მომხმარებლისთვის. ჩვენს სუპერმარკეტებში პროდუქტზე ყველგან ერთი ფასია განსხვავებით მისი ტერიტორიული მდებარეობისგან.სუპერმარკეტების ქსელი "ფრესკო" ვიზუალურადაც გამორჩეულია, რადგან როგორც ზევით აღვნიშნე, ჩვენ თავად ვაშენებთ ყველა ჩვენს ობიექტს და ვზრუნავთ როგორც გარეგნულ იერსახეზე, ასევე ყველა იმ შიდა პირობებზე, რომელიც საჭიროა კომფორტისთვის. ამის ნათელი მაგალითია ფრესკოს~ ყველა სუპერმარკეტში არსებული მიწისქვეშა და მიწისზედა ავტოსადგომები, სადაც მომხმარებელს კომფორტულად და უსაფრთხოდ შეუძლია მანქანის გაჩერება. - რით არის თქვენი ქსელი განსხვავებული სხვა მსგავსი ობიექტებისგან, ანუ რატომ უნდა გააკეთოს მომხმარებელმა არჩევანი "ფრესკო"-ზე?- ის, თუ რატომ უნდა გააკეთოს მომხმარებელმა არჩევანი სუპერმარკეტ ფრესკოზე~, საკმაოდ ნათელია, რადგანაც ფრესკო~ არის სუპერმარკეტი, რომელიც მუშაობს 24 საათის განმავლობაში, იცავს ხარისხის სტანდარტებს, სთავაზობს მომხმარებელს ყველაზე დაბალ ფასებს, კვალიფიციური კადრის დახმარებით უწევს მაღალი ხარისხის მომსახურებას, სთავაზობს 25,000-ზე მეტი დასახელების პროდუქციას, გააჩნია უპრეცედენტო პროდუქტი - ფრესკოს 5% ფასდაკლების ბარათი, რომლითაც მომხმარებელი ყოველგვარი ქულების და ა.შ დაგროვებს გარეშე იღებს მომენტალურ სარგებელს, მინუს 5%-ს სუპერმარკეტში არსებულ ყველა პროდუქტზე. იმისთვის, რომ მომხმარებლისთვის ჩვენთან სტუმრობა კიდევ უფრო სასიამოვნო და ხელსაყრელი ყოფილიყო, შევქმენით გარემო, სადაც არის კაფე, საბავშვო კუთხე, აფთიაქი და სხვადასხვა მომსახურების პუნქტები. - დედაქალაქის გარდა თუ აპირებთ რეგიონების ათვისებასაც და სულ რამდენი ადამიანი გყავთ დასაქმებული თქვენს ქსელში?- სამომავლო გეგმებში, რა თქმა უნდა, არის თბილისის გარდა საქართველოს სხვა დიდ ქალებში "ფრესკოს" სუპერმარკეტების გახსნა, ვინაიდან ამის შესახებ თავად მომხმარებლები გვატყობინებენ, რომ სურთ "ფრესკო" იყოს ქუთაისში, ბათუმში, რუსთავში და ა.შ. ჩვენ მუდმივად ვეძებთ მიწებს და მზად ვართ გავხსნათ სუპერმარკეტი "ფრესკო" იქ, სადაც არის ჩვენი მომხმარებელი. დღეისთვის "ფრესკოში", სამშენებლო სექტორთან ერთად, 1500-ი ადამიანია დასაქმებული, რომელთა რიცხვი 2015 წლის ბოლომდე კიდევ 500 ადამიანით გაიზრდება.ეს ნიშნავს იმას, რომ დღეს საქართველოში "ფრესკო" არის კომპანია, რომელიც ქმნის რეალურად ძალიან ბევრ სამუშაო ადგილს და ებრძვის ქვეყანაში არსებულ ყველაზე მთავარს - დასაქმების პრობლემას. სწორედ ყველაფერი ეს გვაძლევს სრული პასუხისმგებლობით იმის განცხადების უფლებას, რომ "ფრესკო" არის ნომერ პირველი კომპანია საქართველოს რითეილ ბაზარზე.   

სუპერმარკეტების ქსელი „ფრესკო“ საქართველოს ბაზარზე 2012 წელს შემოვიდა და დღეისათვის ექვს მსხვილ სუპერმარკეტს ფლობს ვარკეთილში, მუხიანში, ორთაჭალაში, საბურთალოზე, ჩუღურეთსა და სანზონაში.[more]   2014 წელს გაიხსნა ფრესკოს ოთხი ახალი სუპერმარკეტი.2015 წელს ფრესკო თავის მომხმარებელს კიდევ ბევრ საინტერესო სიახლეს პირდება.

„ფრესკოს საქველმოქმედო ფონდმა“  ფრესკოს მომხმარებლების მონაწილეობით წინასაახალწლოდ მორიგი საქველმოქმედო აქცია ჩაატარა. დეკემბრის თვეში მომხმარებლებისგან შემოსული თანხა მოხმარდა „მომავლის გზის“ [more] მზრუნველობამოკლებულ ბავშვებს, რომელთაც საჩუქრად ტკბილეული, საჩუქრები და ნაძვისხე გადაეცათ.ფონდის წარმომადგენლებთან ერთად ბავშვებს „მულტი პულტის“ ზღაპრის გმირი და ილუზიონისტი ესტუმრნენ.„მომავლის გზის“  ბავშვების სახელით მადლობას გიხდით იმ ლამაზი დღისთვის, რომელიც თქვენ, ჩვენო ძვირფასო მომხმარებლებო, ბავშვებს აჩუქეთ. „ფრესკოს საქველმოქმედო ფონდი“ არის სწორედ ის მექანიზმი, რომლის მეშვეობითაც თქვენ, „ფრესკოს“ მომხმარებლები, კიდევ არაერთი კეთილი საქმის მონაწილე გახდებით.      

25 დეკემბერს, სანზონაში, გურამიშვილის №64-ში სუპერმარკეტების ქსელ „ფრესკო“- ს რიგით მეექვსე სუპერმარკეტი გაიხსნა.  “ფრესკო“ 3000 კვ. მეტრზეა განთავსებული და ის 24 საათის განმავლობაში ემსახურება მომხმარებელს.[more] მის ტერიტორიაზე განლაგებულია თვითმომსახურე კაფე, თონე, საბავშვო კუთხე, აფთიაქი, მიწისქვეშა ავტოსადგომი და სხვა ობიექტები.  ტერიტორია სრულადაა აღჭურვილი უფასო wi-fi ინტერნეტით. ახალი სუპერმარკეტის გახსნასთან ერთად კომპანიამ დამატებით  120 სამუშაო ადგილი შექმნა , საერთო ჯამში კი „ფრესკოს“ თანამშრომლების საერთო რაოდენობამ 1500 ადამიანს მიაღწია. „ფრესკოს“  სუპერმარკეტების ქსელში პროდუქციის მრავალფეროვანი ასორტიმენტია.  სუპერმარკეტში წარმოდგენილია, როგორც ადგილობრივი, ასევე ევროპის სხვადასხვა ქვეყნიდან იმპორტირებული ექსკლუზიური პროდუქტები, რომელთა ხარისხზე "ფრესკო" მუდმივად ზრუნავს.  სუპერმარკეტების ქსელი „ფრესკო“ საქართველოს ბაზარზე 2012 წელს შემოვიდა  და დღეისათვის ექვს მსხვილ სუპერმარკეტს ფლობს ვარკეთილში, მუხიანში, ორთაჭალაში, საბურთალოზე, ჩუღურეთსა და უკვე სანზონაშიც. კომპანიის სტრატეგია არის ქსელის გაფართოება მთელი თბილისის მასშტაბით და 2015 წლის ბოლოს  „ფრესკო“ უკვე საკუთრებაში არსებული 10 სუპერმარკეტით იქნება ბაზარზე  წარმოდგენილი. „ფრესკოს“ ახალი სტანდარტების მქონე ინფრასტრუქტურის სუპერმარკეტები ხელს უწყობს თბილისის სხვადასხვა უბნების განვითარებას,  ქმნის ახალ სამუშაო ადგილებს და მომხმარებელს კომფორტულ გარემოში მაღალი ხარისხის პროდუქციას ყველზე დაბალ ფასად სთავაზობს. გვესტუმრეთ და შეგვაფასეთ  

ფრესკოს რიგით მე – 6 სუპერმარკეტი სანზონაში, გურამიშვილის ქ. N64 – ში 26 დეკემბერს გაიხსნა. [more]

„ფრესკოს საქველმოქმედო ფონდი“ კვლავ აგრძელებს აქტიურ ქველმოქმედებას და „ფრესკოს“ მომხმარებლების მონაწილეობით წელს უკვე მეოთხედ ატარებს საქველმოქმედო აქციას. [more] ნოემბრის თვეში მომხმარებლებისგან შემოსული თანხით ფონდის წარმომადგენლებმა კათარზისში არსებული მოხუცთა თავშესაფარი მოინახულეს და სოციალურად დაუცველ მოსახლეობას უფასო სადილით უმასპინძლეს.თითოეული კათარზისის წევრი ხანდაზმულის სახელით გვინდა მადლობა გადაგიხადოთ იმ კეთილი საქმეებისთვის, რასაც თქვენ, ჩვენი მომხმარებლები, ჩვენს სუპერმარკეტებში სტუმრობით ეწევით.