სიახლეები

ფონდის წარმომადგენლებმა ბავშვებს სოციალურად დაუცველი ოჯახებიდან, საჩუქრად გადასცეს სასკოლო ჩანთა და მათთვის აუცილებელი სასკოლო ინვენტარი.

გვესტუმრეთ ფრესკოს ორთაჭალის ფილიალის კაფეში (მეორე სართულზე)
დააგემოვნეთ უგემრიელესი დღის წვნიანი.
მომზადებული სპეციალურად თქვენთვის.

მარიამობის დღესასწაულთან დაკავშირებით, ფრესკოს საქველმოქმედო ფონდი ესტუმრა მოხუცთა პანსიონატს "სიკეთის ლამპარს". აღნიშნულ პანსიონატში მცხოვრები ხანდაზმულებისათვის, მოხდა საკვები პროდუქტების გადაცემა.

ფრესკოს საქველმოქმედო ფონდმა, ივლისის თვეში თავისი წვლილი შეიტანა პატარა, 6 წლის ვატო ფუტკარაძისათვის ფინანსების მობილიზებაში. ვატოს სასწრაფოდ ესაჭიროება გულის გადანერგვა და ემზადება საზღვარგარეთ გასამგზავრებლად.

ბავშვთა დაცვის საერთაშორისო დღე ფრესკოს საქველმოქმედო ფონდმა "მომავლის გზის" ბენეფიციარებთან ერთად აღნიშნა 

ფონდის წარმომადგენლებმა 50 მდე ბავშვს უმასპინძლა ფრესკოს გემრიელი პიცებითა და საცხობი პროდუქციით, ასევე ბავშვებს საჩუქრად გადაეცათ ტკბილეულის ნაკრები 

ბავშვების განწყობა კი შექმნეს მხიარულმა გმირებმა

ფრესკოს საქველმოქმედო ფონდმა დახმარება გაუწია 5 წლის ტაისია მ. და 10 წლის ნინო ჯ., ორივე მათგანს ესაჭიროებათ სამედიცინო დახმარება, რისთვისაც საჭიროებენ ფინანსურ მხარდაჭერას.

ფრესკოს საქველმოქმედო ფონდის წარმომადგენლები, ესტუმრნენ უფასო სასადილო „სოციალურ სახლს“, რომელიც ემსახურება: სოციალურად დაუცველ, სიღარიბის ზღვარს ქვემოთ მყოფ მოქალაქეებს, ასევე მარტოხელა მოხუცებს.

ფონდმა აღდგომის დღესასწაულთან დაკავშირებით უმასპინძლა „სოციალური სახლის“ 120-მდე ბენეფიციარს უფასო სადილით, ასევე დარიგდა სააღდგომო სასაჩუქრე ნაკრები.

„ფრესკოს საქველმოქმედო ფონდი“ გილოცავთ ქალთა საერთაშორისო დღეს!

ფონდის წარმომადგენლები ესტუმრნენ, დედათა და ბავშთა თავშესაფარს, სადაც იმყოფებიან, როგორც ქართველი ასევე უკრაინელი ახლაგზარდა დედები თავის შვილებთან ერთად, ასევე თავშესაფარში ცხოვრობენ მომავალი დედები, რომლებიც მალე ელოდებიან თავიანთ პატარებს.

ფონდმა თავშესაფარში მცხოვრებ ქალბატონებს, მიულოცა 8 მარტი, საჩუქრად გადასცა თავის მოვლის საშუალებების ნაკრები და თაიგულები, პატარები კი ტკბილეულით და სახალისო წიგნებით დაასაჩუქრა.

ვუსურვებთ თითოეულ მათგანს ბედნიერებას

ფრესკოს საქველმოქმედო ფონდი დღეს, ერთ სოციალურად დაუცველ ოჯახს ესტუმრა. ფონდის წარმომადგენლებმა მათ მიულოცეს დედის დღე და გადასცეს საჭირო პროდუქტები.

ფრესკოს საქველმოქმედო ფონდი თებერვლის თვეში 12 წლის ლექსოს ესტუმრა, ლექსო დედასთან და 16 წლის ძმასთან გიორგისთან ერთად ცხოვრობს, რომელსაც ცერემბრალური დამბლის დიაგნოზი აქვს და მუდმივად საჭიროებს მედიკამენტსა და მხარდაჭერას. ფონდმა, სოციალურად დაუცველი ოჯახი მათთვის საჭირო საკვები პროდუქტებით მოამარაგა

ახალი წელი, ხომ ყველაზე მეტად პატარებს უხარიათ, სწორედ ამიტომ, ფრესკოს საქველმოქმედო ფონდმა, სოციალურად დაუცველი ოჯახებიდან, 14 ბავშვს წინა საახალწლოდ სიურპრიზი მოუწყო. ბავშვები ესტუმრნენ სავაჭრო ცენტრს, სადაც ფონდის წარმომადგენლებმა მათ საჩუქრად გადასცეს /სითი მოლის/ სასაჩუქრე ვაუჩერები. მათ თავიანთი გემოვნებით შეარჩიეს საჩუქრები სასურველ მაღაზიებში. პატარები ასევე დაესწრნენ კინოსეანს, მხიარულმა მულტფილმა კი ნამდვილად შეუქმნა მათ საახალწლო განწყობა. ვუსურვებთ ყველა ბავშვს, ასრულებოდეს ყველა სურვილი 

ფრესკო გილოცავთ შობის დღესასწაულს 

ფრესკოს საქველმოქმედო ფონდი „პირველი ნაბიჯი საქართველოს“ დღის ცენტრს ესტუმრა. 

ფონდის წარმომადგენლებმა, ცენტრის ბენეფიციარი ბავშვები და მათი ოჯახები საახალწლო ,სასაჩუქრე კალათებით დაასაჩუქრა, ასევე თოვლის ბაბუამ იზრუნა ბავშვების საშობაო განწყობის შექმნაზე.

პირველი ნაბიჯის დღის ცენტრი ემსახურება 6-დან 18-წლამდე 30-მდე განსაკუთრებული საჭიროების მქონე ბავშვებსა და მოზარდებს