საქველმოქმედო ფონდი

"ფრესკოს საქველმოქმედო ფონდმა" "ფრესკო ორთაჭალაში" აფხაზეთის ომში მონაწილე ვეტერანებს საქართველოს დამოუკიდებლობის დღე მიულოცა, "ფრესკოს" გენერალურმა დირექტორმა ქნ.სოფიო კორძახიამ მათ სიმბოლური საჩუქრები გადასცა.ფონდის წარმომადგენლები სახლებშიც ეწვივნენ ომის ვეტერანებს და მიულოცეს 26 მაისი.  

„ფრესკოს საქველმოქმედო ფონდის“  წევრები  აღდგომის დღესასწაულის აღსანიშნავად აპრილის თვეში მოხუცთა თავშესაფარს „სიკეთის ლამპარს“  ესტუმრნენ.ფონდის ხელმძღვანელმა მადონა კიკორიამ  თავად მოინახულა ხანდაზმულები და გადასცა მათთვის მნიშვნელოვანი საკვები პროდუქტები. 

"ფრესკოს საქველმოქმედო ფონდმა" მორიგი აქტივობა განახორციელა, დაუნის სინდრომის საერთაშორისო დღესთან დაკავშირებით, ფონდის წარმომადგენლები "პირველი ნაბიჯი საქართველოს" დღის ცენტრს ესტუმრნენ.დღის ცენტრს საჩუქრად გადაეცათ მათთვის საჭირო საკვები პროდუქტები, მათი პატარა ბენეფიციარების განწყობაზე კი იზრუნეს ანიმატორებმა.   

"ფრესკოს საქველმოქმედო ფონდმა" მარტის თვეში, დახმარება გაუწია 3 თვის ერეკლე დანელიას, მას  მოკლე ნაწლავის სინდრომი აქვს და  ესაჭიროება ოპერაცია. ფონდმა შეიტანა წვლილი საოპერაციო ხარჯებში და ერეკლეს ანგარიშზე გადაირიცხა 1000 ლარი. ვუსურვებთ პატარა ერეკლეს გამოჯანმრთელებას.   

ქრისტინე  უკვე ორი წელია „ფრესკო ჩიქობავას“ დღის კონსულტანტია,თქვენ ალბათ ხშირად ხვდებით მას ტკბილეულის სექციაში.ამავდროულად, ქრისტინე კავკასიის საერთაშორისო უნივერსიტეტის მედიცინის ფაკულტეტის VI კურსის სტუდენტია, მან სწავლის დაფინანსებასთან დაკავშირებით შექმნილი პრობლემის გამო მომართა „ფრესკოს საქველმოქმედო ფონდს“.ფონდმა გაითვალისწინა ქრისიტინას ოჯახური მდგომარეობა, რის საფუძველზეც დაუფინანსა სწავლის საფასური.წარმატებები ქრისტინეს!  

"ფრესკოს საქველმოქმედო ფონდი" სოციალურად დაუცველი ოჯახის პატარა წევრს,3 წლის ლუკას ესტუმრა, მას ფონდის ხელმძღვანელმა ქნ. მადონა კიკორიამ, ტკბილეული,სათამაშო და საკვები პროდუქტი გადასცა საჩუქრად.

 ეს თაკო ოქროაშვილია „ფრესკოს„ წარმოების კონსულტანტი.2017 წლის ივნისის თვეში თაკომ „ფრესკოს საქველმოქმედო ფონდს“ მისი ოცნების ასრულების თხოვნით მომართა. მას სურდა დაუფლებოდა კულინარიის სპეციალობას.„ფრესკოს საქველმოქმედო ფონდმა“ მას დაუფინანსა „ საქართველოს კულინარიის აკადამიის“ 7თვიანი სადიპლომო კურსი. მისი წარმატებით დასრულებისთანავე თაკო დასაქმდა „ფრესკო ორთაჭალას“ სუპერმარკეტში. 

"ფრესკოს საქველმოქმედო ფონდმა" თებერვლის თვეში დახმარება გაუწია ახალგაზრდა დედას, ნინო ბერუაშვილს, რომელიც მწვავე ლეიკემიის უმძიმეს დიაგნოზს ებრძვის. ვუსურვებთ ნინოს გამოჯანმრთელებას.

"ფრესკოს საქველმოქმედო ფონდის" პრეზიდენტმა ქნ. მადონა კიკორიამ და "ფრესკოს" სუპერმარკეტის თანამშრომლებმა, პირადად მიულოცეს დამდეგი შობის დღესასწაული თბილისის ქუჩებში გამოსულ მზრუნველობა მოკლებულ მოქალაქეებს, რომელთაც ყველაზე მეტად სჭირდებათ ჩვენი სითბო და ყურადღება. მათ საჩუქრად გადაეცათ ტკბილეული და საკვები პროდუქტები.  

გაეცანით "ფრესკოს საქველმოქმედო ფონდის" მიერ  2017 წლის 22 დკემბერს განხორციელებულ საქველმოქმედო გამოფენა - გაყიდვის შესახებ სტატიას."ქართველი მხატვრები „ფრესკოს საქველმოქმედო ფონდის“ ორგანიზებით გაერთიანდნენ და საქველმოქმედო გამოფენა-გაყიდვიდან შემოსული თანხით 17 წლის მიხეილ სხვიტარიძეს ეხმარებიან. 18 600 ლარი, რომელიც ღონისძიებაზე შეგროვდა, სრულად მიშიკოს გადაერიცხება, რომელსაც სასწრაფოდ ხერხემლის ოპერაციის გაკეთება სჭირდება.მიშიკოს ჯანმრთელობასთან დაკავშირებული პრობლემები 2002 წელს დაეწყო და დღემდე 6 ოპერაცია აქვს გაკეთებული, თუმცა უშედეგოდ. როგორც "ფრესკოს" გენერალური დირექტორი სოფიო კორძახია განმარტავს, მიშიკო შეძლებს, რომ საჭირო ოპერაცია ჩაიტაროს.„ჩვენი საქველმოქმედო ფონდი უკვე 4 წელია ეხმარება სხვადასხვა საჭიროების მქონე ადამიანებსა და ოჯახებს. მოხარული ვარ, რომ ამჯერად ჩვენთან ერთად გაერთიანდნენ მხატვრები და სწორედ ჩვენი დახმარებით შეძლებს მიშიკო ამ რთული ოპერაციის გაკეთებას. სამომავლოდაც ვაპირებთ მსგავსი ღონისძიებების ჩატარებას და მჯერა, რომ ერთად ბევრი კეთილი საქმის გაკეთება შეგვიძლია,“ – განმარტავს სოფიო კორძახია.საქველმოქმედო გამოფენა-გაყიდვას, რომელიც 22 დეკემბერს Hillside Residence-ში გაიმართა, მხარს უჭერენ ქართველი მხატვრები გია ბუღაძე, ოლეგ ტიმჩენკო, გია ჯაფარიძე, გივი თოიძე, მაია თოიძე, დავით პოპიაშვილი, ნინო ჩაკვეტაძე, გია გუგუშვილი, ნანი ფოცხვერაშვილი, დავით ბაძაღუა, თეა თომაძე, ირმა სვანიძე, ბაჩო გეგუჩაძე, ასევე, თბილისის სახელმწიფო სამხატვრო აკადემიის ლექტორები და სტუდენტები."იხილეთ სტატია www.bpg.ge ​ბმულზე 

კომპანია „ფრესკოს“ ისტორიის ერთ-ერთ ყველაზე საამაყო ნაწილი „ფრესკოს საქველმოქმედო ფონდია“, რომელიც 2014 წლის ივლისის თვეში დაარსდა. ფონდი, ბოლო 4 წლის განმავლობაში სხვადასხვა მიმართულებების მიხედვით დაეხმარა, 1000-ზე მეტ სოციალურად დაუცველი ბავშვს, მზრუნველობა მოკლებულ მოხუცსა და სოციალურად დაუცველი მრავალშვილიან ოჯახს.ღონისძიება ატარებდა საქველმოქმედო ხასიათს და მისი მიზანი იყო, დახმარებოდა 17 წლის მიხეილ სხვიტარიძეს, რომელსაც ხერხემლის მძიმე პრობლემის გამო საჭიროებს სასწრაფო ოპერაციას საზღვარგარეთ.საქველმოქმედო გამოფენას მხარს უჭერდნენ ქართველი მხატვრები გია ბუღაძე, ოლეგ ტიმჩენკო, გია ჯაფარიძე, გივი თოიძე, მაია თოიძე, დავით პოპიაშვილი, ნინო ჩაკვეტაძე, გია გუგუშვილი, ნანი ფოცხვერაშვილი, დავით ბაძაღუა, თეა თომაძე და სხვა. ასევე, თბილისის სახელმწიფო სამხატვრო აკადემიის სტუდენტები და ლექტორები.შემოსული თანხა სრულად გადაირიცხება მიშიკოს ოპერაციის ხარჯების ასანზღაურებლად.   

ფრესკოს საქველმქომედო ფონდი ესტუმრა მრავალშვილიან სოციალურად დაუცველ ოჯახს და გადასცა მათ საკვები პროდუქტები